Azərbaycan Milli Elmlər Akademiyası

“Vikipediya” platformasının Azərbaycan dili bölməsi hər ötən gün zənginləşir və bu da ana dilimizdə məlumatların əlçatanlığını təmin edir. Artıq Azərbaycan dili bölməsinə müraciət edənlərin sayı milyonları keçir.

Bu günlərdə Azərbaycan “Vikipediya” İcmasının səmərəli fəaliyyəti nəticəsində “Vikipediya”da dərinlik (keyfiyyət) göstəricisi 51-dən 52-yə yüksəlib. Göstərici “Vikipediya”da qrupların birgə fəaliyyətindən xəbər verir. Nəticə etibarilə Azərbaycan dilində olan məlumat bazası  zənginləşir və məqalələrin təkmilləşdirilməsi prosesi davam etdirilir.

Qeyd edək ki, bir neçə ildir AMEA institutlarının əməkdaşları üçün könüllü olaraq “Vikipediya” təlimləri keçirilir. Təlimlərin keçirilməsində məqsəd AMEA-nın elmi müəssisə və təşkilatlarında könüllü “Vikipediya” qruplarının formalaşdırılmasıdır. Son bir ildə isə AMEA Rəyasət Heyəti aparatının “Elektron Akademiya” şöbəsinin təşkilatçılığı ilə Mərkəzi Elmi Kitabxanada “Vikipediya” təlimləri təşkil edilir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.