Azərbaycan Milli Elmlər Akademiyası

AMEA-nın müxbir üzvü Qar­da­şov Ra­uf Ha­cı oğ­lu 3 yan­var 1956-cı il­də Za­qa­ta­la ra­yo­nun­da ana­dan ol­muş­dur. Azər­bay­can Döv­lət Uni­ver­si­te­ti­nin (indiki Bakı Dövlət Universiteti) Tət­bi­qi ri­ya­ziy­yat və me­xa­ni­ka fa­kül­tə­si­ni bitirmiş­dir (1977).

R.Qar­da­şov 1983-cü il­də keç­miş SSRİ EA-nın Okea­no­lo­gi­ya İns­ti­tu­tun­da “Təmiz və neft təbəqəsi ilə örtülmüş dəniz səthinin parlaqlıq və radiasiya xarakteristikalarının hesablanması” mövzusunda namizədlik, 2000-ci il­də həmin institutda “Güz­gü ək­si nöq­tə­lər metodu ilə dəniz səthindən əks olunan işığın statistik xarakteristikalarının öyrənilməsi” mövzusunda doktorluq dissertasiyaları müdafiə etmiş, 2014-cü il­də AMEA-nın müx­bir üz­vü se­çil­miş­dir.

R.Qar­da­şov əmək fəa­liy­yə­ti­nə Azər­bay­can Elm­lər Aka­de­mi­ya­sı­nın “Kas­pi” el­mi mər­kə­zin­də baş la­bo­rant və­zi­fə­sin­də baş­la­mış, keç­miş SSRİ EA-nın Okea­no­lo­gi­ya İns­ti­tu­tun­da sta­jor-təd­qi­qat­çı, as­pi­rant, Azər­bay­can EA-nın Tə­bii sər­vət­lə­rin kos­mik təd­qi­qi İns­ti­tu­tun­da ki­çik el­mi iş­çi, bö­yük el­mi iş­çi, Riyaziyyat və Me­xa­ni­ka İnstitutunda apa­rı­cı el­mi iş­çi, la­bo­ra­to­ri­ya mü­di­ri, şö­bə mü­di­ri və­zi­fə­lə­rin­də iş­lə­miş­dir. R.Qar­da­şov 1993-2007-ci il­lər­də İs­tan­bul Uni­ver­si­te­ti­nin mü­hən­dis­lik fa­kül­tə­sin­də pro­fes­sor və­zi­fə­sin­də iş­lə­miş­dir. O, 2008-ci il­dən AMEA-nın ­­­­akademik H.Əli­yev adı­na Coğ­ra­fi­ya İnstitutun­da baş el­mi iş­çi və­zi­fə­sin­də, 2017-ci il­dən isə şö­bə mü­di­ri və­zi­fə­sin­də ça­lı­şır.

R.Qar­da­şov oke­an və də­niz­lə­rin aero­kos­mik me­tod­lar­la təd­qi­qi sa­hə­sin­də ta­nın­mış alim­dir. Onun əsas el­mi nə­ti­cə­lə­ri dal­ğa­lı də­niz sət­hin­də Gü­nəş pa­rıl­tı­la­rı­nın öl­çü­lə­ri­nin pay­lan­ma qa­nu­nu­nun ta­pıl­ma­sı (Gardashov distribution); də­niz sət­hi­nin şüa­lan­ma qa­bi­liy­yə­ti­nin da­ha də­qiq qiy­mə­ti­nin he­sab­lan­ma­sı; də­niz sət­hin­dən Gü­nəş və la­zer şüa­la­rı­nın əks ol­ma­sı prob­le­mi­nin həl­li üçün “güz­gü ək­si nöq­tə­lər  me­to­du”nun iş­lən­mə­si; Gü­nəş pa­rıl­tı­la­rı­nın sta­tis­tik xa­rak­te­ris­ti­ka­la­rı­na gö­rə dal­ğa­nın və kü­lə­yin xa­rak­te­ris­ti­ka­la­rı­nı tə­yin edən mə­sa­fə­dən zond­la­ma me­to­du­nun işlənməsi; ge­os­ta­sio­nar or­bit­dən mü­şa­hi­də za­ma­nı oke­an üzə­rin­də Gü­nəş pa­rıl­tı­sı­nın ye­ri­nin tə­yi­ni me­to­du­nun iş­lən­mə­si; neft tə­bə­qə­lə­ri­nin də­ni­zin ra­dia­si­ya ba­lan­sı­na tə­si­ri­nin he­sab­lan­ma­sı­dır.

R.Qar­da­şov 2014-cü ildən bərpa olunan enerji mənbələri üzrə fundamental tədqiqatlar aparır. O, “Mürəkkəb relyefə malik dağlıq bölgələrdə Günəş panellərinin optimal istiqamətinin tapılmasının analitik metodu”nu işləmiş; Qarabağ regionunun Günəş və külək enerji potensialını qiymətləndirmiş; külək və dalağa enerjisinin tədqiqi sahəsində mühüm nəticələr almışdır.

R.Qar­das­hov ha­zır­da Xəzər dənizinin səviyyə dəyişmələri, okea­no­lo­gi­ya­da mü­hüm prob­lem olan “dal­ğa­nın təh­rif et­di­yi su­al­tı ob­yekt­lə­rin ani təs­vir­lə­ri­nin bər­pa­sı” və Gü­nəş, külək və dalğa ener­ji­sin­dən optimal is­ti­fa­də istiqamətlərində təd­qi­qat­lar apa­rır.    

R.Qar­da­şov 67 el­mi əsə­rin və 1 mo­noq­ra­fi­ya­nın  mü­əl­li­fi­dir. Bun­lar­dan 46-sı xa­ric­də, o cüm­lə­dən 22-i SCI-ə da­xil olan im­pakt fak­tor­lu jur­nal­lar­da dərc edil­miş­dir. Nüfuzlu bey­nəl­xalq jur­nal­lar­da, ki­tab­lar­da və la­yi­hə­lər­də  onun əsər­lə­ri­nə is­ti­nad olu­nur. Çox say­da bey­nəl­xalq konf­rans və sim­po­zi­um­da mə­ru­zə ilə çı­xış et­miş­dir. Bey­nəl­xalq (UNES­CO) və res­pub­li­ka (ARDNŞ-in Elm Fon­du) qrant la­yi­hə­lə­ri­nin qa­li­bi ol­muş­dur.

Onun rəh­bər­li­yilə 2 fəl­sə­fə dok­to­ru ha­zır­lan­mış­dır. O, ha­zır­da 3 fəl­sə­fə dok­to­ru və 1 elm­lər dok­to­ru­nun el­mi rəh­bə­ri və el­mi məs­lə­hət­çi­si­dir.

R.Qar­da­şov ABƏŞ və Şahdəniz Monitorinq üzrə Texniki Məsləhət Qrupunda və AR EN yanında Bərpa Olunan Enerji Mənbələri Dövlət Agentliyinin Azərbaycan Respublikasının işğaldan azad edilmiş ərazilərində yaşıl texnologiyaların və enerji səmərəliliyi tələblərinin tətbiqi ilə bağlı əlaqələndirmə və monitorinq üzrə Alt İşçi Qrupunda AMEA-nın nümayəndəsidir.

R.Qar­da­şov SCI-ə da­xil olan “İn­ter­na­tio­nal Jo­ur­nal of Re­mo­te Sen­sing” jur­na­lı­nın re­sen­zen­ti­dir.

R.H.Qar­da­şo­vun adı Ame­ri­ka­da dərc olu­nan “Who is Who in World “ (“Dün­ya­da kim kim­dir”) ka­ta­lo­qu­nun 2010-cu il bu­ra­xı­lı­şı­na da­xil edilmiş­dir.

O, İs­tan­bul Uni­ver­si­te­tin­də iş­lə­di­yi müd­dət­də 2 də­fə İs­tan­bul Uni­ver­si­te­ti­nin “Ba­şa­rı­lı Araş­tı­rı­cı Bel­ge­si”-ni, 3 də­fə TÜ­Bİ­TAK-ın mü­ka­fa­tı­nı almış­dır.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.