Azərbaycan Milli Elmlər Akademiyası

Heydər Əliyevin zəkası bütün səd­ləri aşaraq və qarşıya çıxan heç bir çətinliyə baxmayaraq, Azərbaycanı olduqca mürəkkəb zamanın dalğaları arasından salamat çıxarmış, ona həm bölgədə, həm də dünyada layiqli yer qazandırmışdır. Çağdaş Azərbaycan­da dövlət quruculuğunun, iqtisadi dir­çəlişin, siyasi şüurun, siyasi həyatın son otuz ildən artıq bir dövrünü əhatə edən zaman kəsiyi böyük siyasət xa­dimi kimi tanınan və dərin zəkaya, en­siklopedik biliyə, geniş dünyagörüşünə malik olan tarixi şəxsiyyətin – Heydər Əliyevin adı əməli fəaliyyəti ilə, ger­çəkləşdiyi konkret işlərlə bağlıdır. Bu mürəkkəb proseslər isə onun həm əməli fəaliyyətində, həm də fəlsəfi məf­kurəsində – milli dirçəliş fəlsəfəsində öz əksini tapmışdır. 

Azərbaycan xalqının Ulu Öndə­ri Heydər Əliyevin titanik fəaliyyəti dövlət idarəçiliyi akademiyası olmaq­la, ən müxtəlif aspektlərdən tətbiq və təhlil edilməlidir. Dahi şəxsiyyət Heydər Əliyevin sayəsində 1969-cu ildən etibarən milli mənəvi dəyərləri­miz, soykökümüz özümüzə qayıtmış, 1993-2003-cü illər isə tariximizə inki­şaf, tərəqqi dövrü kimi yazılmışdır. 

Dahi şəxsiyyət Azərbaycan xalqı­nı, Azərbaycan elmini, mədəniyyətini necə deyərlər, qışdan bahara çıxardı. Ümummilli Lider Heydər Əliyev daim dövlətinin və xalqının bütövlüyü uğ­runda fədakarlıqla çalışmış, müstəqil­liyimizin möhkəmləndirilməsi, dövlətçiliyimizin inkişafı, elmin tərəqqisi üçün müstəsna işlər görmüşdür. Ulu Öndər Azərbaycanı məharətlə inkişaf etdir­miş, bütün dünyaya tanıtmışdır. Məhz elə buna görə də dahi şəxsiyyətin adı hazırda, sözün həqiqi mənasında, müasir müstəqil Azərbaycan dövlətinin rəmzi kimi səslənir. 

Bu gün alimlərimiz Ulu Öndər Heydər Əliyevin elmi irsinin dərindən öyrənil­məsi və gənc nəsilə ötürülməsini özlərinə borc bilirlər. Heydər Əliyevin elm sahəsindəki bütün fəaliyyəti ali bir ide­yaya – azərbaycançılıq məfkurəsinə xidmət edir. Bu böyük şəxsiyyətin irəli sürdüyü strategiya indiki nəslin gözü önündə reallığa çevrilib, ölkəmizin hazırkı nailiyyətləri, müstəqilliyimi­zin daha da möhkəmlənməsi Heydər Əliyev kursunun, azərbaycançılıq ide­yasının uğurla reallaşdırılmasının bəh­rəsidir. Heydər Əliyev müdrik müəllim kimi gənclərə “Siz hələ gəncsiniz. Qar­şınızda böyük yaradıcılıq yolu vardır”, – söyləyərək onlara dəstək olurdu. 

Azərbaycan elminə hər zaman həs­saslıqla yanaşan Ulu Öndər Heydər Əliyev AMEA-nın inkişaf etməsinə qay­ğısını heç vaxt əsirgəməyib. Xalqına dərindən bağlanan, həyatını Azər­baycanın tərəqqisinə həsr edən dahi şəxsiyyət Azərbaycan Milli Elmlər Aka­demiyasının fəaliyyətini daim diqqət mərkəzində saxlayıb, onun dünya miq­yasında tanınmasına nail olmuşdur. 

1969-cu il noyabrın 1-də Heydər Əliyev Bakı Dövlət Universitetinin 50 illik yubileyində Azərbaycan elminin və təhsilinin əsas istiqamətlərini müəy­yənləşdirən möhtəşəm bir nitq söylə­mişdir. Bu nitqi dövrün inqilabi sensa­siyasına çevirən fakt isə o idi ki, sovet rejiminin yerli respublikaların rəhbər kadrları üçün müəyyənləşdirdiyi çərçi­vələrə baxmayaraq, Heydər Əliyev onu doğma Azərbaycan dilində söyləmişdi. O zaman üçün fövqəladə hal hesab edilən partiya liderinin Azərbaycan di­lində çıxışı universitet həyatında milli ruhun, milli özünüdərkin, milli dirçə­liş və oyanışın hərəkətə gətirilməsinə sanki start verdi.

Azərbaycan ziyalıları, sözün əsl mənasında, qanı-canı ilə milli məna­feyi hər şeydən uca tutan həqiqi milli liderini gördü, tanıdı və bütün varlığı ilə ona inanmağa başladı. Respublika rəhbərinin milli dilə bu şəkildə sevgisi xüsusilə dilçi alimləri vəcdə gətirmişdi. Bunun nəticəsində də tezliklə universi­tetdə 4 cildlik “Müasir Azərbaycan dili” dərsliyi hazırlayıb nəşr edildi və Ulu Ön­dərin təşəbbüsü ilə bu əsər Azərbay­canın Dövlət mükafatına layiq görüldü.

Azərbaycan elminin inkişafı məhz Ümummilli Liderimizin adı ilə bağlıdır. Ulu Öndər Heydər Əliyevin 1993-cü ildə xalqın təkidli tələbi ilə hakimiyyətə qayıdışından sonra bütün sahələr kimi elm sahəsində aparılan uğurlu islahat­lar sayəsində Azərbaycanın elmi bö­yük yüksəliş dövrü yaşayaraq, inkişaf yoluna qədəm qoydu. 

Günel MƏLİKLİ, AMEA-nın Fəlsəfə və Sosiologiya İnstitutunun şöbə müdiri siyasi elmlər üzrə fəlsəfə doktoru, dosent

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.