Azərbaycan Milli Elmlər Akademiyası

AMEA-nın Elm Tarixi İnstitutunun (ETİ) baş direktoru, tarix elmləri doktoru, professor Məryəm Seyidbəyli Rusiya Elmlər Akademiyasının (REA) Sankt-Peterburq Etologiya və Mühəndislik İnstitutunun, Tümen Dövlət Universitetinin və Elm Tarixi İnstitutunun əməkdaşlıq məsələlərinə həsr olunmuş onlayn iclasında iştirak edib. 

Professor Məryəm Seyidbəyli tədbir iştirakçılarının diqqətinə Elm Tarixi İnstitutunun təşkilatçılığıyla 13-15 oktyabr 2022-ci il tarixlərində keçiriləcək, elmşünaslığa həsr olunmuş III beynəlxalq elmi konfransın əsas müzakirə mövzularını çatdırıb.

“Antroposenin ənənəvi povesti məhvetmə hekayəsidir. Alimlər müasir insanın müxtəlif bitki və heyvan növlərini necə məhv etdiyini, yerin ekosistemlərini, yerli və yerli icmaları və planetin özünün geoloji quruluşunu necə məhv etdiyini araşdırır. “Antroposenin fiziki və xəyali mənzərələri” konfransı diqqəti bu fenomenin dağıdıcılıqdan konstruktiv ölçüsünə yönəltmək cəhdidir. Biz təbiət, sosial və humanitar elmlərin nümayəndələrini Antroposenin məhv etdiyi məkanların yerinə hansı xəyali və fiziki məkanlar yaratdığını müzakirə etməyə dəvət edirik”, - deyə alim bildirib.

O qeyd edib ki, ingilis  və rus dillərində keçiriləcək və bir çox xarici ölkədən, o cümlədən İsveç, Almaniya, Rusiya, Fransa, Çindən alimlərin iştirakının gözlənildiyi konfransın müzakirə mövzularına əsasən təbiət və insan elmləri və onların Antroposen dövründə rolu, yerli xalqların dəyişən şərtlərə uyğunlaşdırılması üzrə bilik və təcrübələr, şəhər məkanları və lokuslar, ekstrativizm və təbii ehtiyatlardan səmərəli istifadə, terraformasiya və geomühəndislik, qərarların qəbulunda ekspertizanın rolu və beynəlxalq hüquq və ətraf mühitin mühafizəsi daxildir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.