Azərbaycan Milli Elmlər Akademiyası

Kataliz və Qeyri-üzvi Kimya İnstitutunun əməkdaşları - k.e.d., prof. Etibar İsmailov, k.ü.f.d., dos. Aygün Rüstəmova, institutun doktorantı, k.ü.f.d. Sevinc Osmanova və Samirə Süleymanova Ukrayna Milli Elmlər Akademiyasının L.V.Pysarjevski adına Fiziki Kimya İnstitutunda keçirilən “Katalizin müasir problemləri” və Ukrayna MEA-nın Çuyko adına Səth Kimyası İnstitutunda “Səth kimyası, fizikası və texnologiyası” adlı beynəlxalq konfranslarda onlayn formatda iştirak ediblər.

Konfransın elmi komitəsinin üzvü professor Etibar İsmailov Kataliz və Qeyri-üzvi Kimya İnstitutunun “HORİZON - 2020” proqramı çərçivəsində Avropanın bir sıra aparıcı elmi mərkəzləri və universitetləri ilə birgə yerinə yetirilən layihə üzrə, eləcə də k.ü.f.d. Sevinc Osmanova məruzələrlə çıxış ediblər.

K.ü.f.d. Aygün Rüstəmova və Samirə Süleymanova isə onlayn stend müzakirələrində iştirak ediblər.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.