Azərbaycan Milli Elmlər Akademiyası

Azərbaycan Milli İncəsənət Muzeyində tanınmış numizmat Rüstəm Hüseynovun Azərbaycanın Müstəqillik Gününə həsr olunmuş “Azərbaycan Xalq Cümhuriyyətinin əskinasları” adlı mühazirəsi keçirilib.

Mühazirə zamanı Rüstəm Hüseynov Azərbaycan Xalq Cümhuriyyətinin əskinaslarının, Bakı şəhər hökumətinin istiqrazlarının nümunələrini göstərib, onların xüsusiyyətlərini və çeşidlərini ətraflı izah edib. Azərbaycan tarixindəki rolunu ətraflı araşdırıb. Bu əskinaslar tarixçilər üçün xüsusi maraq doğurur, çünki onların sayəsində Azərbaycanın təkcə siyasi deyil, həm də iqtisadi tarixinin təfərrüatlarına aydınlıq gətirmək mümkündür. Pul dövlətin ən mühüm reqaliyalarından biridir, güc və suverenliyin atributudur. 

ADR kağız pulların dövriyyəyə buraxılması faktları və Azərbaycan tarixində ilk Dövlət Bankının fəaliyyəti iştirakçılarda böyük maraq doğurub.

Tədbirin məqsədi Azərbaycanın pul tarixinə diqqəti cəlb etmək və Azərbaycan tarixinin az məlum olan detallarının öyrənilməsinə marağı stimullaşdırmaqdır.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.