Azərbaycan Milli Elmlər Akademiyası

AR ETN Biofizika İnstitutunun icraçı direktoru, b.e.d. Kərim Qasımov Türkiyənin Yıldız Texniki Universitetinin Kimya-metallurgiya fakültəsinin “Biomühəndislik” ixtisasının əməkdaşı prof. Dr. Cem Bülent Üstündağ ilə görüşüb.

İnstitutda keçirilən görüşdə, həmçinin Biofizika İnstitutunun Biomolekulların strukturu, dinamikası və funksiyası laboratoriyasının aparıcı elmi işçisi, f.r.ü.f.d. Rasim Aslanov, Hüceyrə siqnalının ötürülməsi laboratoriyasının laboratoriya rəhbəri,  b.ü.f.d. Taleh Yusifov, Gənc Alim və Mütəxəssislər Şurasının sədri Mətanət Baxışova və digərləri iştirak ediblər.

Görüş zamanı Biofizika İnstitutunun və Yıldız Texniki Universitetinin əməkdaşlarının apardığı elmi tədqiqatlar üzrə geniş müzakirələr edilib və gələcəkdə ikitərəfli əməkdaşlığın perspektivləri ətrafında fikir mübadiləsi aparılıb, bu əməkdaşlığın uğurla yaradılıb inkişaf edəcəyinə əminlik ifadə olunub.

Daha sonra qonaqlar institutun laboratoriyalarını gəzib, burada olan maddi-texniki təchizat, iş şəraiti və prioritet istiqamətlərdə aparılan elmi tədqiqat işləri, əldə olunan nailiyyətlər barədə məlumatlandırılıblar.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.