Azərbaycan Milli Elmlər Akademiyası

Dekabrın 14-də Qafqazşünaslıq İnstitutunun Elmi şurasının növbəti iclası keçirilib.

İclası institutun direktoru AMEA-nın müxbir üzvü Musa Qasımlı açıb.

İclasda müəssisənin 2023-cü il üçün elmi-tədqiqat işləri müzakirə olunub, qeydlər söylənilib, müzakirələr aparılıb.

Sonra 2024-cü il üçün AMEA-da aparılacaq elmi-tədqiqat işlərinin əhatəli planlaşdırılması haqqında AMEA prezidentinin 27 noyabr 2023-cü il tarixli sərəncamı ilə şura üzvləri tanış edilib. Buna uyğun olaraq institutun 2024-cü il üçün iş planı təsdiqlənib.

Həmçinin 2023-cü ildə AMEA-da Mülki müdafiə hazırlığının yekunları və 2024-cü il üçün təşkilati göstərişlər haqqında AMEA prezidentinin 5 dekabr 2023-cü il tarixli sərəncamı ilə Elmi şura üzvləri məlumatlandırılıb.

Daha sonra Xuraman Hüseynova institutun Gənc Alim və Mütəxəssislər Şurasının sədr müavini seçilib.

İclasda cari məsələlərə də baxılıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.