Azərbaycan Milli Elmlər Akademiyası

Elm və Təhsil Nazirliyinin Nəsirədddin Tusi adına Şamaxı Astrofizika Rəsədxanasında (ŞAR) Elmi şuranın növbəti iclası keçirilib.

Tədbiri rəsədxananın baş direktoru AMEA-nın müxbir üzvü Namiq Cəlilov açaraq gündəlikdə duran məsələlər barədə şura üzvlərinə məlumat verib.

İclasda rəsədxana alimlərinin qarşısında duran vəzifə və öhdəliklər, yeni plan işlərinin mövzuları müzakirə olunub. Aidiyyatı şəxslərin çıxışları dinlənildikdən sonra ŞAR-ın 2021-2025-ci illər üçün qəbul edilmiş elmi-tədqiqat mövzuları üzrə 2024-cü ildə yerinə yetiriləcək işlər təsdiq olunub.

Sonra ŞAR-ın 2024-cü il üçün fəaliyyət planı şura üzvlərinə təqdim edilib və nəzərdə tutulan fəaliyyətlərlə bağlı detallar diqqətə çatdırılıb. Fəaliyyət planı ətrafında geniş müzakirələr aparılıb. Müzakirələrin sonunda ŞAR-ın 2024-cü il üçün fəaliyyət planı qəbul edilib.

Sonda bir sıra cari məsələlər müzakirə olunub.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.