Azərbaycan Milli Elmlər Akademiyası

Gürcüstan Milli Elmlər Akademiyasının yeni seçilmiş prezidenti, akademik Roin Metreveli Azərbaycan Milli Elmlər Akademiyasının prezidenti, akademik İsa Həbibbəyliyə təşəkkür məktubu ünvanlayıb.

Məktubda deyilir:

“Çoxhörmətli İsa Əkbər oğlu,

Gürcüstan Milli Elmlər Akademiyasında keçirilən prezident seçkilərində mənim namizədliyimi dəstəklədiyinizə görə Gürcüstan MEA-sı Sizə səmimi təşəkkürünü bildirir.

Gürcüstan MEA-nın Ümumi yığıncağının 7 iyun 2023-cü il tarixli 7 saylı qərarına əsasən, mən Gürcüstan Milli Elmlər Akademiyasının prezidenti vəzifəsinə seçilmişəm.

Ölkələrimizin elmi və iqtisadi inkişafı və müxtəlif elm sahələrində yeni nailiyyətlər naminə AMEA ilə səmərəli və faydalı əməkdaşlığın davam edəcəyinə ümid edirik.

Dərin hörmətlə,

akademik Roin Metreveli,

Gürcüstan MEA-nın prezidenti”.

Qeyd edək ki, akademik Roin Metreveli bu il mayın 1-də keçirilən Ümummilli Lider Heydər Əliyevə həsr olunmuş AMEA-nın Ümumi yığıncağının Xüsusi iclasında iştirak edən fəxri xarici qonaqlardan biri olub.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.