Azərbaycan Milli Elmlər Akademiyası

23 may 2023-cü il tarixində AR Elm və Təhsil Nazirliyinin Dendrologiya İnstitutu, Qazaxıstan Respublikası Elm və Ali Təhsil Nazirliyinin Manaş Kozıbayev adına Şimali Qazaxıstan Universiteti və Rusiya Federasiyasının Elm və Ali Təhsil Nazirliyinin Surqut Dövlət Pedaqoji Universitetinin birgə təşkilatçılığı ilə p.e.n, dosent V.L.Rabinoviçin anadan olmasının 100 illiyinə həsr edilmiş “Riyaziyyat və təbiət elmləri problemləri” mövzusunda XI beynəlxalq elmi-praktik konfrans keçiriləcək.

Qazaxıstanda baş tutacaq beynəlxalq elmi konfransda işçi dilləri qazax, rus, ingilis dilləri olmaqla əyani və “Zoom” vasitəsilə keçiriləcək sessiyalarda məruzə ilə iştirak etmək mümkün olacaq.

Konfrans materialları məqalələr şəklində elektron topluda dərc olunaraq e-library elektron kitabxana platformasında (Rusiya İndeksli İsnad Bazasında - Russian Science Citation Index - Российский индекс научного цитирования) yerləşdiriləcək.

Elmi məqalələrin mətni Word A4 formatında, 5 səhifəyə qədər, 12 şrift ölçüsündə (istinadlar siyahısı üçün 10 şrift ölçüsü), interval 1.0, şrift “Times New Roman”, səhifə eni hər tərəfdən 25 mm, UOT göstərilməklə təqdim edilməlidir.

Beynəlxalq konfrans aşağıdakı istiqamətlər üzrə keçiriləcək:

- Kimya sahəsində elmin və təhsilin aktual problemləri;

- Ekoloji və coğrafi tədqiqatlar;

- Bioloji sistemlərin  müasir tədqiqatları problemləri;

- İnformatika, riyaziyyat və fizikanın tədrisi metodologiyası və nəzəriyyəsi: innovativ üsullar.

Məqalələr və doldurulmuş qeydiyyat vərəqləri 23 aprel 2023-cü il tarixinədək elektron formada smbazarbaeva@ku.edu.kz e-mail ünvanına göndərilməlidir.

Tel.: +77714773470 (WhatsAp ünvanına müraciət edilə bilər).

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.