Azərbaycan Milli Elmlər Akademiyası

Milli Azərbaycan Tarixi Muzeyində Almaniya Federativ Respublikasında yaşayan bir qrup gənclər üçün “Zəhmət ilə gələn zinət. Dərsimiz - Hacı Zeynalabdin” adlı iki dərsdən ibarət interaktiv dərs keçirilib.

Dərsin birinci hissəsində gənclərə H.Z.Tağıyevin həyat və fəaliyyətindən bəhs edilib, daha sonra H.Z.Tağıyevin ev muzeyinə təşkil olunan ekskursiyada muzeyin yerləşdiyi binanın arxitekturası haqqında məlumat verilib. Dərsin ikinci hissəsində isə intellektual oyun - kvest təşkil olunub. Kvestin sonunda qaliblərə hədiyyələr təqdim olunub.

Sonda xarici tələbə və şagirdlər üçün Azərbaycanın ən qədim dövrdən bu günə qədərki tarixini əks etdirən, həmçinin yeni tarixi artefaktlarla zənginləşdirilmiş, interaktiv masalar və 3D holoqramlarla təchiz olunmuş Milli Azərbaycan Tarixi Muzeyinin yeni ekspozisiyasına ekskursiya təşkil edilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.