Azərbaycan Milli Elmlər Akademiyası

AMEA-nın Mərkəzi Elmi Kitabxanası (MEK) ilə Rusiya Elmlər Akademiyasının Sibir Bölməsinin Federal Elmi İnstitutunun İctimai, Elmi, Texniki Kitabxanası arasında əməkdaşlıq haqqında saziş imzalanıb.

Müqaviləni MEK-in baş direktoru, professor Məmməd Əliyev və sözügedən müəssisənin direktoru İrina Lizunova  imzalayıblar.

Müqavilənin bəndlərinə əsasən hər iki müəssisə mədəniyyət, informasiya və kitabxana texnologiyaları, biliklərin yayılması, eləcə də elmi-tədqiqat sahəsində təcrübə mübadiləsi haqqında razılığa gəliblər.

Qeyd edək ki, MEK beynəlxalq mədəni əlaqələrin inkişafına xüsusi önəm verir.  Kitabxana beynəlxalq çərçivədə onlarla ölkənin bir sıra xarici təşkilatı ilə sıx elmi-mədəni münasibətlər həyata keçirir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.