Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  KONFRANSLAR, İCLASLAR

Şuşada keçiriləcək beynəlxalq konfransa hazırlıqla əlaqədar iclas keçirilib
24.06.2022 10:15
  • A-
  • A
  • A+

Şuşada keçiriləcək beynəlxalq konfransa hazırlıqla əlaqədar iclas keçirilib

İyunun 23-də AMEA-nın İqtisadiyyat İnstitutunda “Mədəniyyətin iqtisadiyyatı: Şuşadan inkişaf impulsları” konfransına hazırlıqla əlaqədar Təşkilat komitəsinin növbəti iclası keçirilib.

Təşkilatçı qurumların məsul əməkdaşlarının iştirak etdiyi tədbirdə konfransın formatı və təşkili ilə bağlı çoxsaylı məsələlər müzakirə olunub. Konfransın Şuşa şəhərində 2 gün ərzində davam etməsi və ehtiyac yaranarsa, daha bir elmi sessiyanın Bakıda təşkil olunması məqsədəuyğun sayılıb. Həmçinin konfransda iştirakı nəzərdə tutulan xarici qonaqlarla məsləhətləşmələrin gedişi müzakirə edilib.

Qeyd edək ki, “Mədəniyyətin iqtisadiyyatı: Şuşadan inkişaf impulsları” beynəlxalq elmi-praktik konfransı Azərbaycanın mədəniyyət paytaxtı Şuşa şəhərində bu il sentyabrın 18-19-da keçiriləcək. Konfransa “Qarabağda yeni iqtisadiyyat quruculuğu və mədəniyyət sahələrinin inkişafı” və “Şuşada kreativ iqtisadiyyatın formaslaşdırılması” bölmələri üzrə məruzə mətnlərinin qəbulu davam edir.

Konfransda iştirak etmək istəyən mütəxəssislər məruzələrin təqdim olunma şərtlərini buradan əldə edə bilərlər.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: